Oýun sanawy
2026-njy ýylda Amerikanyň Birleşen Ştatlarynda häzirki zaman tehnologiýasynyň täsirli şahsyýetleriniň biri — Apple kompaniýasynyň esaslandyryjysy Stiw Jobsyň hormatyna ýadygärlik bir dollarlyk moneta çykarylar.
Bu karar onuň aradan çykmagynyň 15 ýyllygyna gabat gelýär. Moneta federal maksatnama çäklerinde çykarylyp, jemgyýetiň ösüşine uly goşant goşan adamlar we wakalara bagyşlanýar.
Monetanyň ýüz tarapynda ýaş Stiw Jobsyň Kaliforniýanyň tebigatynda oturan keşbi şekillendiriler. Bu ştat onuň doglan, ýaşan we Apple-y esaslandyran ýeri bolup durýar.
2026-njy ýylda çykaryljak beýleki ýadygärlik monetalarynyň hatarynda dünýäde azyk howpsuzlygyny ýokarlandyrmaga goşant goşan alym Norman Borlaug we dünýäniň ilkinji superkompýuterlerinden biri bolan Cray-1-i döreden inžener topary hem bar.
Stiw Jobs 1976-njy ýylda Stiw Wozniak we Ronald Weýn bilen bilelikde Apple kompaniýasyny esaslandyrdy. Onuň ýolbaşçylygynda iPhone, iPad we Mac ýaly enjamlar döredildi, bu bolsa bütin dünýäde sanly tehnologiýalara bolan garaýyşlary üýtgetdi we täze döwrüň başlangyjyna ýol açdy.
Şeýle hem okanyň
Iň köp görülen
Türkmenistanyň bank ulgamynyň zenan işgärleriniň arasynda döredijilik bäsleşigi geçirildi
Türkmenistanyň Jemgyýetçilik guramalarynyň merkezinde ýurdumyzyň bank pudagynda zähmet çekýän zenanlaryň arasynda döredijilik bäsleşiginiň jemleýji tapgyry geçirildi. Oňa welaýatlaryň hem-de şäherleriň saýlama tapgyrlarynda öňe çykan ýeňijiler gatnaşdy.
Bäsleşigiň ilkinji tapgyrynda gatnaşyjylar Türkmenistanyň bank ulgamyndaky ösüşler, gazanylan sepgitler hem-de 2011–2030-njy ýyllar üçin bank ulgamyny ösdürmegiň Döwlet maksatnamasy esasynda alnyp barylýan işler barada gürrüň berdiler.
Ikinji tapgyrda gatnaşyjylar aýdym, dessan ýa-da goşgular bilen çykyş etdiler. Jemleýji tapgyrda bolsa olar dabaraly saçak taýýarlap, milli naharlaryň taýýarlanylyşyny görkezdiler.
Netijeler boýunça:
-
üçünji orun — Ahal, Lebap welaýatlaryndan we Arkadag şäherinden gelen gatnaşyjylara;
-
ikinji orun — Balkan welaýatyndan we Aşgabat şäherinden gatnaşyjylara;
-
birinji orun — Mary welaýatynyň wekillerine;
-
Baş baýrak — Daşoguz welaýatynyň gatnaşygyna berildi.
Ýeňijiler we baýrak alanlar hormat hatlary hem-de gymmatly sowgatlar bilen sylaglandy.
Bäsleşigiň dabaraly bölegi estrada ýerine ýetirijileriniň aýdym-sazly çykyşlary bilen tamamlandy.
Bäsleşik Türkmenistanyň Merkezi banky, Türkmenistanyň zenanlar birleşiginiň Merkezi geňeşi we Türkmenistanyň kärdeşler arkalaşyklarynyň milli merkezi tarapyndan guraldy. Çäre Parahatçylyk we ynam ýylyna, Türkmenistanyň Garaşsyzlygynyň 34 ýyllygyna, hemişelik bitaraplygyň 30 ýyllygyna, şeýle hem milli manadyň dolanyşyga girizilmeginiň 32 ýyllygyna bagyşlandy.
Şeýle hem okanyň
Blitz