Duşenbedäki Sambo boýunça Dünýä Kubogynyň ikinji gününde Türkmenistanyň milli ýygyndy topary alty medal — iki altyn, bir kümüş we üç bürünç medal gazandy.

Aýal-gyzlaryň sport sambo görnüşinde, 65 kg agram derejesinde Jemal Owlagulyýewa bürünç medal eýeledi.

Erkekleriň göreş sambo görnüşinde Ahmet Tanryberdiýew (58 kg) we Isa Arslanow (71 kg) altyn medala mynasyp boldular. 64 kg agram derejesinde Sanjarbek Awezberdiýew kümüş medal aldy. Şol bir wagtda, Seýdulla Akmammedow (64 kg) we Abdulla Nazargeldiýew (88 kg) bürünç medal eýelediler.

Bu ýyl Sambo Dünýä Kubogy ilkinji gezek Düşenbe şäherinde 20–21 sentýabr aralygynda geçirilýär. Bäsleşige 10 ýurtdan 180 türgen gatnaşýar. Bäsleşigiň birinji gününde hem türkmen topary bäş medal gazanyp, üstünlikli çykyş etdi.