Oýun sanawy
Russiýanyň «Max» aragatnaşyk platformasy öz gerimini giňeldip, dünýäniň 40 ýurdunda hasaba durmak mümkinçiligini döretdi. Indi bu messenjeriň hyzmatlaryndan Türkmenistanyň, Türkiýäniň, Birleşen Arap Emirlikleriniň, Wýetnamyň, Tailandyň, Indoneziýanyň, şeýle-de Kuba, Yrak we Wenesuela ýaly döwletleriň ykjam aragatnaşyk operatorynyň abonentleri peýdalanyp bilerler.
Hasaba alyş tapgyry örän ýönekeýleşdirilen görnüşde amala aşyrylýar: ulanyjy ilki bilen programmany ýükläp almaly, öz ýurduny saýlamaly we telefon belgisini girizmeli. Şondan soňra, SMS arkaly gelýän ýörite tassyklama kody bilen hasaby işjeňleşdirip bolýar. Bu ädim messenjeriň halkara derejesindäki ornuny berkitmäge we dürli sebitlerdäki ulanyjylar üçin täze aragatnaşyk mümkinçiliklerini hödürlemäge gönükdirilendir.
Şeýle hem okanyň
Resmi Apple dükanynda öňki nesil iPhone modelleriniň bahalary ýokarlandy
10 Sen. 15:35Apple kompaniýasy täze iPhone 18 Pro we iPhone Duo modellerini tanyşdyrandan soňra, özüniň resmi onlaýn-dükanynda öňki nesil smartfonlarynyň bahalaryny täzeledi. Dünýä bazarynda täze flagmanlaryň 100 dollar gymmatlamagy sebäpli, öň çykarylan smartfonlaryň bahalary hem deň derejede ýokarlandyryldy.
Täzelenen nyrhlara görä, iPhone 17e modeliniň bahasy 699 dollara, iPhone 16 bosa 799 dollara ýetdi. Şeýle hem iPhone 17 smartfony 899 dollardan, iPhone Air modeli bolsa 1099 dollardan satlyga hödürlenip başlandy. Adatça bolşy ýaly, kompaniýa öňki flagmanlary bolan iPhone 17 Pro we iPhone 17 Pro Max modellerini resmi dükandan aýyrdy.
Nyrhlaryň bu görnüşde ýokarlanmagy barada bilermenler hem-de Apple kompaniýasynyň öňki ýolbaşçysy Tim Kuk tarapyndan öňümizdäki aýlarda duýdurylypdy. Elektronika önümleriniň gymmatlamagyna emeli aň maglumat merkezleriniň artýan zerurlyklary sebäpli dörän ýat çipleriniň ýetmezçiligi esasy sebäp hökmünde görkezilýär.
Şeýle hem okanyň
Blitz