Oýun sanawy
Toyota kysymly awtoulaglar Türkmenistanyň awtoulag bazarynyň takmynan 60–70 göterimini eýeleýär. Bu görkeziji olaryň öz watany bolan Ýaponiýa bilen deňeşdirilende has ýokarydyr, sebäbi Ýaponiýada bu marka 50 göterimden hem az paýy düzýär.
Bu maglumatlar Aşgabat şäherinde geçirilen dabaraly kabul edişlikde beýan edildi. Çäräni Ýaponiýanyň Türkmenistandaky ilçihanasy imperator Naruhitonyň doglan güni mynasybetli gurady. Dabarany Ýaponiýanyň Türkmenistandaky ilçisi Sasaki Hiroshi alyp bardy.
Ilçihananyň maglumatlaryna laýyklykda, 2024-nji ýylda Türkmenistana iberilen ýapon eksportynyň takmynan 50 göterimi awtoulaglaryň paýyna düşdi. Şeýlelikde, Toyota awtoulaglary Türkmenistanda Ýaponiýanyň özündäkiden hem has giňden ulanylýar.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Şeýle hem okanyň
Blitz