Oýun sanawy
Gurbanguly Berdimuhamedow «Nicklaus Companies» kompaniýasynyň prezidenti bilen duşuşdy
19 Dek. 10:3318-nji dekabrda Türkmenistanyň halkynyň Milli Lideri, Halk Maslahatyň Prezidenti Gurbanguly Berdimuhamedow meşhur amerikan «Nicklaus Companies» kompaniýasynyň prezidenti Jon Riz bilen duşuşyk geçirdi.
Duşuşygyň dowamynda işewür Jon Riz Türkmenistanyň hemişelik bitaraplyk döwletimiziň 30 ýyllygy bilen gutlady we Aşgabat şäheriniň arhitektura keşbine ýokary baha berdi.
Gurbanguly Berdimuhamedow giň köpçülikleýin sport we turizm pudagynyň ösdürilmeginiň durnukly ösüşiň strategik ugrudygyny belledi. Şeýle hem, bu ulgamda döwrebap infrastruktura halkara standartlaryna, ekologiýa we innowasiýa ýörelgelerine laýyklykda gurluşylyp gelinýändigi nygtaldy.
Taraplar hyzmatdaşlygyň oňyn tejribesine hem aýratyn üns berdiler, hususan-da halkara talaplaryna laýyk gelýän Aşgabat Golf-kluby netijeli hyzmatdaşlygyň aýdyň mysaly boldy. Milli Lider «Nicklaus Companies» kompaniýasynyň professional golf meýdançalaryny dizaýn etmek boýunça köp ýyllyk tejribesiniň «Awaza» Milli syýahatçylyk zolagynyň toplumlaýyn ösdürilmeginde peýdaly boljakdygyna we onuň sebitiň öňdebaryjy dynç alyş we sport merkezi derejesini berkitjekdigine ynam bildirdi.
Duşuşygyň ahyrynda Jon Riz kompaniýanyň özara peýdaly hyzmatdaşlygy dowam etdirmäge we Türkmenistanyň dünýä derejesindäki sport infrastrukturasyny ösdürmek başlangyçlaryny goldamaga ýokary gyzyklanma bildirýändigini tassyk etdi.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz