Oýun sanawy
Halkara zenanlar güni mynasybetli, Gurbanguly Berdimuhamedow adyndaky Çagalar sagaldyş-dikeldiş merkezinde bejergi alýan gyzjagazlar üçin ýatdan çykmajak dabara guraldy. Bu ýerde saglygyny dikeldýän körpelere Türkmenistanyň Prezidentiniň adyndan pul sowgatlary, şeýle hem Milli Liderimiziň adyndan baýramçylyk sowgatlary gowşuryldy.
«Watan» habarlar gepleşiginiň habar berşi ýaly, bu asylly çäre çagalaryň kalbynda uly şatlyk döretdi. Körpeler özlerine görkezilen bimest-u-yhsan üçin taýýarlan aýdym-sazly çykyşlary arkaly tüýs ýürekden minnetdarlyklaryny bildirdiler. Sagaldyş merkeziniň şadyýan owaza beslenmegi, döwletimiziň geljegimiz bolan çagalaryň saglygyna we bagtyýarlygyna goýýan sarpasynyň aýdyň nyşanyna öwrüldi.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz