Oýun sanawy
Türkmenistanda «Garabogaz» gümrük nokady 2025-nji ýylyň iň gowusy diýlip ykrar edildi
30 Ýan. 06:32Türkmenistanda Döwlet gümrük gullugy tarapyndan her ýyl geçirilýän hünär bäsleşikleriniň 2025-nji ýyl boýunça jemleri jemlenildi. Watan goragçylarynyň gününe bagyşlanan bu çäre Gullugyň Merkezi edarasynda geçirildi we «Göreldeli gümrük işgäri — 2025» hem-de «Ýylyň gümrük nokady — 2025» bäsleşiklerini öz içine aldy.
Hukuk tertibini berkitmekde, gulluk borçlaryny ýokary derejede ýerine ýetirmekde we Türkmenistanda gümrük ulgamynyň ösdürilmegine goşan şahsy goşantlary üçin birnäçe işgärler «Göreldeli gümrük işgäri» adyna mynasyp boldy.
2025-nji ýylyň netijeleri boýunça Balkan welaýatynyň awtoýol gözegçilik-geçiriş ýerinde ýerleşýän «Garabogaz» gümrük nokady Türkmenistanda «Ýylyň gümrük nokady» diýlip yglan edildi. Bu dereje harby tertip-düzgüniň berk berjaý edilmegi, nokadyň talabalaýyk ýagdaýda saklanylmagy, çäkleriň abadanlaşdyrylmagy we ýylyň dowamynda gazanylan ýokary gulluk görkezijileri esasynda berildi.
Dabara dowamynda Türkmenistandaky «Garabogaz» gümrük nokadynyň müdirine degişli şahadatnama gowşuryldy.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Şeýle hem okanyň
Blitz