Oýun sanawy
ABŞ-nyň ýokary derejeli wekiliýeti sapar bilen Türkmenistana gelip, onuň dowamynda möhüm döwlet duşuşyklary geçirildi. Wekiliýetiň düzümine ABŞ-nyň goşun ministri Deniel Driskoll hem-de ABŞ Prezidentiniň Günorta we Merkezi Aziýa boýunça ýörite wekili Serhio Gor girdi.
Saparyň çäginde amerikan wekiliýetini Türkmenistanyň Prezidenti Serdar Berdimuhamedow kabul etdi. Şeýle hem türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen gepleşikler geçirildi. Duşuşyklarda Türkmenistan bilen ABŞ-nyň arasyndaky syýasy dialogy ösdürmek, ykdysady hyzmatdaşlygyň mümkinçilikleri we ynsanperwer ugurlar boýunça hyzmatdaşlygy giňeltmek meseleleri ara alnyp maslahatlaşyldy.
Saparyň dowamynda myhmanlar Türkmenistanyň medeni mirasy bilen giňişleýin tanyşdylar. Olar Türkmenistanyň Döwlet sirkine baryp gördüler, milli buýsanç hasaplanýan türkmen alabaýlary bilen tanyşdylar, şeýle hem UNESKO-nyň Bütindünýä mirasynyň sanawyna girizilen Gadymy Nusaý taryhy ýadygärligine baryp gördüler.
Saparyň jemleri boýunça amerikan tarapy Türkmenistanda döredilen myhmansöýer şertler we ýokary derejede guralan çäreler üçin minnetdarlyk bildirip, saparyň örän netijeli geçendigini belledi.
Şeýle hem okanyň
Türkmenistanyň Daşary işler ministri GDA-nyň Baş sekretary bilen duşuşyk geçirdi
10 Sen. 12:42Türkmenistanyň daşary işler ministri Raşid Meredow GDA-nyň Ykdysady geňeşiniň 111-nji mejlisine gatnaşmak üçin ýurdumyza gelen Garaşsyz Döwletleriň Arkalaşygynyň Baş sekretary Sergeý Lebedew bilen duşuşdy. Bu barada Türkmenistanyň daşary syýasat edarasynyň metbugat gullugy habar berýär.
Gepleşikleriň dowamynda taraplar 2026-njy ýylda Türkmenistanyň Arkalaşykdaky başlyklygynyň ileri tutulýan ugurlaryny iş ýüzünde durmuşa geçirmek hem-de GDA-nyň çäklerinde amaly hyzmatdaşlygy giňeltmek meselelerini maslahatlaşdylar.
Duşuşykda 2026-njy ýylyň 7-nji we 9-njy oktýabrynda «Awaza» milli syýahatçylyk zolagynda geçiriljek GDA-nyň Daşary işler ministrleriniň Geňeşiniň we Döwlet Baştutanlarynyň Geňeşiniň mejlislerine taýýarlyk hem-de olaryň guramaçylyk meselelerine aýratyn üns berildi.
Söhbetdeşligiň ahyrynda taraplar köptaraplaýyn hyzmatdaşlygy mundan beýläk-de pugtalandyrmak üçin bilelikdäki amaly işleri dowam etdirmäge taýýardyklaryny tassykladylar.
Şeýle hem okanyň
Blitz