Oýun sanawy
Türkmenistanyň Daşary işler ministri Raşid Meredow Londona amala aşyran iş saparynyň çäklerinde Beýik Britaniýanyň döwlet goranmak ministri Lord Rodni Kouker bilen duşuşdy. Patyşanyň atçylyk gwardiýasynyň binasynda geçen gepleşiklere Merkezi Aziýa ýurtlarynyň diplomatik korpuslarynyň ýolbaşçylary hem gatnaşdy. Duşuşygyň dowamynda taraplar sebit howpsuzlygyny üpjün etmek, häzirki zaman wehimlerine garşy bilelikde göreşmek we harby-tehniki ulgamda hünärmenleri taýýarlamak boýunça tejribe alyşmagyň ileri tutulýan ugurlaryny ara alyp maslahatlaşdylar. Taraplar halkara durnuklylygy pugtalandyrmaga gönükdirilen özara ynanyşmak dialogyny dowam etdirmäge taýýardyklaryny tassykladylar.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz