«Biznes reklama» gazetiniň redaksiýasy Magtymguly adyndaky Ýaşlar guramasynyň hem-de Senagatçylar we telekeçiler partiýasynyň Merkezi geňeşleri bilen hyzmatdaşlykda «Köken» atly döredijilik bäsleşigini yglan etdi. Bu bäsleşikde gatnaşyjylara krossword, skanword we çaýnword ýaly tapmaçalary taýýarlamak teklip edilýär. Giňişleýin maglumatlar gazetiň şu günki sanynda ýerleşdirildi.

Şertlere laýyklykda, taýýarlanylýan işler türkmen halkynyň buýsanjy hasaplanylýan ahalteke atlaryna, atçylyk däplerine hem-de atşynaslyk bilen bagly temalara bagyşlanmalydyr.

Bäsleşige iberilýän işler kagyz ýüzünde taýýar görnüşde (çyzgy we jogaplary bilen) hem-de elektron görnüşde (PDF ýa-da JPG) kabul edilýär.

Bäsleşige 35 ýaşa çenli Türkmenistanyň raýatlary gatnaşyp bilerler.

Işleri tabşyrmagyň soňky möhleti — 30-njy aprel.

Gatnaşyjylar öz işleri bilen bilelikde şahsy maglumatlaryny (okaýan ýa-da işleýän ýeri, ýaşaýan salgysy, telefon belgisi) goşup, aşakdaky salga ibermelidirler:

Aşgabat şäheri, Bitarap Türkmenistan şaýoly, 593-nji jaý
E-poçta: br.gazeti@gmail.com
Telefonlar: +993 12 23 77 95, +993 12 23 77

Bäsleşigiň ýeňijileri eminler topary tarapyndan saýlanyp alynar. Sylaglamak dabarasy maý aýynyň başynda Balkan welaýatynyň Magtymguly etrabynda geçiriler. Ýeňijilere Hormat hatlary we ýadygärlik sowgatlar gowşurylar.