Oýun sanawy
Türkmenistanyň Kubogynyň ýarym finalynyň jogap duşuşygynda «Ahal» futbol topary «Şagadamy» 2:0 hasabynda ýeňip, iki duşuşygyň jemi boýunça finala çykdy.
Duşuşyk Aşgabat şäherinde geçirildi. Oýunda hasaby 35-nji minutda Bahtiýar Gurgenow açdy, 49-njy minutda bolsa Akmammet Metdäýew tapawudy iki esse artdyrdy.
Ilkinji duşuşykda «Ahal» myhmançylykda «Şagadama» 1:2 hasabynda utulypdy, emma jogap oýnunda ýagdaýy öz peýdasyna üýtgetmegi başardy.
Final duşuşygynda «Ahal» «Arkadag» topary bilen duşuşar. Türkmenistanyň Futbol federasiýasynyň habar bermegine görä, Kubok ugrunda çözgüt beriji oýun 27-nji dekabrda geçiriler.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz