Oýun sanawy
Madridiň «Realy» Angliýanyň «Çelsi» toparynyň goragçysy Mark Kukurelýany öz düzümine goşandygyny resmi ýagdaýda mälim etdi. Ispaniýaly goragçy bilen 2032-nji ýylyň tomusyna çenli, ýagny 8 möwsümlik uzak möhletleýin şertnama baglaşyldy.
Metbugatda berilýän habarlara görä, transferiň esasy bahasy 55 million ýewro barabar boldy. Mundan başga-da, eger futbolçy täze toparynda şowly çykyş etse, madridliler London klubyna goşmaça 5 million ýewro bonus tölemeli bolar. «Transfermarkt» portalynyň maglumatlaryna görä, 27 ýaşly goragçynyň häzirki wagtda bazardaky nyrhy 50 million ýewro töweregidir.
Geçen möwsümde Kukurelýa «Çelsiniň» düzüminde ähli turnirlerde jemi 50 duşuşyga gatnaşyp, 1 gol urmagy we 4 netijeli pas bermegi başardy. Onuň «gökler» bilen 2029-njy ýyla çenli şertnamasynyň bardygyna garamazdan, «Real Madridiň» transfer teklibi bu şertnamanyň möhletinden öň ýatırylmagyna sebäp boldy.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Blitz