Oýun sanawy
Türkmenistanyň 16 dzýudoçysy Mongoliýada geçiriljek «Uly tuwalga» ýaryşyna gatnaşar
18 Iýun. 03:2019–21-nji iýun aralygynda Mongoliýanyň paýtagty Ulan-Batorda geçiriljek dzýudo boýunça «Uly tuwalga» (Grand Slam) halkara ýaryşynda Türkmenistanyň 16 türgeni çykyş eder. Bu barada Halkara dzýudo federasiýasynyň (IJF) resmi internet saýtynda habar berildi.
Türkmenistanyň wekiliýetiniň düzümine ýygyndynyň esasy güýçleri hem-de 2024-nji ýylda Parižde geçirilen Olimpiýa oýunlaryna gatnaşan tanymal türgenler — Serdar Rahymow (66 kg çenli) we Maýsa Pardaýewa (57 kg çenli) dagylar hem girýär. Ulan-Bator şäherindäki bäsleşige dünýäniň 59 ýurdundan jemi 455 türgeniň gatnaşmagyna garaşylýar.
Türkmenistanyň erkekler ýygyndysyna Serdar Rahymowdan başga-da şu türgenler wekilçilik ederler: Mekan Remezanow we Ural Bagtyýarow (60 kg çenli), Meýlis Şamyradow we Ýolaman Amansähedow (73 kg çenli), Agajan Aýhanow we Batyr Merdanow (81 kg çenli), Ömürzak Halmüminow (90 kg çenli), Baýmyrat Majanow we Deňiz Karataýew (100 kg çenli).
Zenanlar ýygyndysynyň düzüminde bolsa şu pälwanlar meýdança çykarlar: Ejegyz Geldiýewa (48 kg çenli), Narjemal Ömirowa (52 kg çenli), Maýsa Pardaýewa we Medine Oraznyýazowa (57 kg çenli), Ýyldyz Myradowa hem-de Oguljan Ruslanowa (70 kg çenli).
Ulan-Batordaky bu uly ýaryş 2028-nji ýylda Los-Anjelesde (ABŞ) geçiriljek Olimpiýa oýunlaryna saýlama tapgyrynyň täze möwsüminiň başlangyjy bolar. IJF World Tour reýtinginde utuklar türgenleriň gazanan sepgitlerine görä paýlanar: «Uly tuwalga» ýaryşynda altyn medal alan türgen 1000 utuk, ikinji orny eýelän 700 utuk, üçünji orna mynasyp bolan bolsa 500 utuk gazanyp biler. Düzgüne görä, her agram derejesinde dünýä reýtinginiň iň güýçli 18 türgeni göni Olimpiýa oýunlaryna gatnaşmaga hukuk gazanýar (her ýurtdan diňe bir türgen). Galan ýollar bolsa sebit we yklym paýlarynyň (kwotalarynyň) esasynda bellenilýär.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Blitz