Oýun sanawy
Bäsdeşsiz üstünlik: «Arkadag» futbol kluby bassyr üçünji gezek Türkmenistanyň Naýbaşy Kubogyny eýeledi
03 Awgust. 06:11Döwlet ähmiýetli «akylly» şähere wekilçilik edýän «Arkadag» futbol kluby ýene-de Türkmenistanyň Naýbaşy Kubogyna mynasyp boldy. Aşgabadyň «Nusaý» stadionynda geçirilen aýgytlaýjy duşuşykda topar «Ahaly» 3:0 hasabynda ýeňip, uly üstünlik gazandy.
Duşuşygyň 19-njy minutynda Rahman Myratberdiýew hasaby açdy. Ikinji ýarymda Begenç Akmämmedowyň (57-nji minut) we Şanazar Tirkişowyň (79-njy minut) takyk urgulary «Arkadagyň» artykmaçlygyny berkitdi.
2023-nji ýylda döredilen hem-de milli ýygyndynyň esasy özenine övrülen «Arkadag» futbol kluby eýýäm bassyr üçünji ýylynda «dubl» etdi — ýurduň çempiony boldy we Kubogyny gazandy. Topar döredilen gününden bäri milli birinjiligiň resmi oýunlarynda hiç hili utuk ýitirmedi we soňky üç möwsümde yzygiderli «trebl» etmegi başardy.
Topary bu üstünlige baş tälimçi Wladimir Baýramow ýetirdi. Naýbaşy Kubok ugrundaky oýun gününde 46 ýaşyny baýram eden tälimçi ozal Russiýanyň Kubogynyň (2003/04) we AFK-nyň Prezidentiniň kubogynyň (2013) eýesi bolupdy.
Aziýa ареnasynda hem topar uly ösüşleri görkezýär: geçen ýylyň maý aýynda «Arkadag» AFK-nyň Çagyryş ligasynyň (2024/25) Kubogyny gazandy, 2025/26 möwsüminde bolsa AFK-nyň Çempionlar ligasy-2-niň 1/8 finalyna çenli baryp, Saud Arabystanynyň «Al-Nassr» toparyna garşy oýnady.
Superkubok ugrundaky bu ýeňiş 12-nji awgustda AFK-nyň Çempionlar ligasy-2-niň 2026/27 möwsüminiň deslapky tapgyrynda Hindistanyň «Goa» toparyna garşy geçirilmeli möhüm duşuşygyň öňýanynda özboluşly synag boldy.
Şeýle hem okanyň
Türkmenistanyň agyr atletika boýunça milli ýygyndysy Hytaýda geçiriljek Dünýä çempionatyna gatnaşar
26 Okt. 08:09Türkmenistanyň agyr atletika boýunça milli ýygyndy topary 2026-njy ýylyň 27-nji oktýabry — 8-nji noýabry aralygynda Hytaýyň Ninbo şäherinde geçiriljek 91-nji Dünýä çempionatynda ýurdumyza wekilçilik eder. Halkara bäsleşikde Türkmenistanyň toparyny 10 sany türgen gorar. Zenanlaryň arasynda Ogulşat Amanowa, Şabnam Kerimbaýewa, Medine Amanowa, Gülälek Kakamyradowa we Anamjan Rustamowa çykyş ederler. Erkekleriň bäsleşiginde bolsa Didarbek Jumabaýew, Bektimur Reýimow, Gaýgysyz Töräýew, Rüstem Annaberdiýew hem-de Şahzadbek Mätýakubow dagylar platforma çykarlar.
Ninbodaky bu Dünýä birinjiligi Halkara agyr atletika federasiýasy (IWF) tarapyndan agram derejeleriniň täze ulgamy kabul edilenden soňky ilkinji iri ýaryş bolup durýar. IWF-niň reformalaryna laýyklykda, öňki 20 agram derejesiniň deregine indi medallar toplumy 16 ugur boýunça — erkekleriň we zenanlaryň hersinde 8 agram derejesinde oýnalar. Şeýle hem Hytaýda geçiriljek bu abraýly bäsleşik 2028-nji ýylda Los-Anjelesde (ABŞ) guraljak tomusky Olimpiýa oýunlaryna saýlama ýaryş hökmünde uly strategik ähmiýete eýedir.
Bellenilmeli zat, Hytaý öz taryhynda eýýäm ikinji gezek agyr atletika boýunça Dünýä çempionatyny kabul edýär; bu ýurtda ilkinji dünýä birinjiligi 1995-nji ýylda geçirilipdi. Türkmen türgenleriniň täze agram derejelerinde görkezjek netijeleri milli sportumyzyň halkara meýdançasyndaky ornuny pugtalandyrmaga we Olimpiýa lisenziýalaryny gazanmaga uly mümkinçilik döreder.
Blitz