Oýun sanawy
Ýerde geomagnit ýagdaýynyň uzak wagtlap durnuksyz bolmagyna getirýän magnit tolgunmalary ýüze çykdy. Bu ýagdaýyň döremegine Günde emele gelen koronal deşik sebäp boldy. Şol deşikden çykýan güýçli gün şemaly häzirki wagtda Ýere tarap ugrap barýar. Bu barada Russiýa Ylymlar akademiýasynyň Kosmos barlaglary institutynyň Gün astronomiýasy laboratoriýasy öz Telegram sahypasynda habar berdi.
Alymlaryň bellemegine görä, ýakyn günlerde Ýere ýetýän gün şemalynyň tizligi kem-kemden ýokarlanar. Şoňa baglylykda geomagnit işjeňligiň derejesiniň artmagyna garaşylýar. Çaklamalara görä, şeýle durnuksyz ýagdaý takmynan apreliň ortalaryna çenli dowam edip biler.
Astronomlaryň aýtmagyna görä, häzirki hadysalaryň esasy sebäbi Günde ýerleşýän uly koronal deşikdir. Ol Gün ýüzünde günorta giňişliklerden demirgazyga çenli uzap gidýär we eýýäm birnäçe wagt bäri saklanyp gelýär. Geçen aýda bu ýer alymlaryň ünsüni aýratyn çekipdi, sebäbi onuň görnüşi aždarhany ýada salyp, Gün diski bilen bilelikde aýlanypdy.
Şeýle hem okanyň
Bangladeşde gyzamyk we denge keselleriniň ýaýramagy sebäpli saglygy goraýyş ulgamy kynçylyklara duş gelýär
10 Sen. 09:46Bangladeşde ýurduň taryhynda iň uly gyzamyk epidemiýasy hasaba alnyp, keselhanalaryň näsaglardan dolmagy netijesinde saglygy goraýyş ulgamy agyr kynçylyklary başdan geçirýär. ABŞ-nyň Kesellere gözegçilik we öňüni alyş merkezleriniň hamana Bangladeşiň Saglygy goraýyş ministrliginiň maglumatlaryna salgylanyp «Reuters» gullugynyň habar berşi ýaly, 2026-njy ýylyň mart aýyndan bäri bu kesel sebäpli 999 ölüm hadysasy we 166 müňden gowrak şübheli näsag ýüze çykaryldy. Kesellänleriň agramly bölegini bäş ýaşa çenli çagalar düzýär.
Ýurtdaky saglygy goraýyş ýagdaýyny denge gyzzyrmasynyň hem birden ýaýramagy has-da kynlaşdyrýar. Ýylyň başyndan bäri denge keseli sebäpli 45 müňden gowrak adam hassahana ýerleşdirilip, bir günüň dowamynda keselhana düşýänleriň sany iň ýokary görkezijä ýetdi. Şunlukda, keselhanalarda orunlaryň, dermanlaryň hem-de çagalar üçin niýetlenen fiziologik erginleriň ýetmezçiligi ý кур çykdy.
Epidemiýanyň şeýle giň gerim almagyna 2024-2025-nji ýyllarda syýasy çökgünlik sebäpli meýilnamalaýyn sanjym işleriniň bökdelemegi hem-de wagtlaýyn hökümetiň milli sanjym kampaniýalaryny ýatyrlyp, derman satyn alyş ulgamyny üýtgetmegi sebäp boldy.
Şeýle hem okanyň
Blitz