Maliýe üstünligi diňe bir bagtyň çüwmegi ýa-da tötänlik däl. Onuň düýp mazmunynda pikirleniş derejesiniň tapawudyyatyr — edil şu zat käbir adamlaryň ýyllar boyy bir orunda galmagyna, başgalaryň bolsa öz biznesini yzygiderli ösdürmegine sebäp bolýar. «Ýola Rowana» biznes okuw merkezinde geçirilen «Baýlaryň we garyplaryň pikirleniş strategiýasy» atly praktiki trening edil şu möhüm temalara bagyşlandy.

 

Çäräniň programmasy hakyky durmuşy mysallary seljermäge we girdejä bökdeçlik edýän içki päsgelçilikleri tapmaga gönükdirildi. Gatnaşyjylar päsgelçilikleriň ýerine täze mümkinçilikleri görmegi we gündelik pikirleniş endiklerini üýtgetmegi öwrendiler. Spikeriň tejribeli çemeleşmesi we praktiki maslahatlary biznesi dolandyrmaklyga täzeçe göz bilen garamaga mümkinçilik berdi.

Trening indiki ädimini atmak isleýän telekeçiler üçin örän peýdaly boldy. Olar alnan bilimleriň biznesi ulgama salmakda we dogry kararlary kabul etmekde uly kömek edýändigini bellediler. Telekeçileriň aýtmagyna görä, täze pikirleniş strategiýasyny iş ýüzünde ulanmak kärhanalaryň peýdasyny hem-de girdejisini ep-esli artdyrmaga mümkinçilik berýär.

Ýokary netijeleri alandyklaryna garamazdan, gatnaşyjylar «Ýola Rowana» merkezinde geçiriljek indiki okuwlara hem uly höwes bilen gatnaşjakdyklaryny bildirdiler. Müşderileriň uly gyzyklanmasyny göz öňünde tutup, biznes okuw merkezi актуал temalar boýunça täsirli treningleri yzygiderli geçirmegini dowam etdirýär.