Ýaponiýanyň paýtagtynda ýerleşýän Toýosu balyk bazarynda ýylyň ilkinji iri söwdasy sensasiýa öwrüldi. Agramy 243 kilogram bolan äpet gök tunes balygy misli bolmadyk baha satyldy we halkara bazarlaryň ünsüni özüne çekdi.

Söwdanyň netijesinde balyk üçin 510 million ýena tölendi, bu bolsa häzirki hasaplamalara görä takmynan 3,2 million amerikan dollaryna barabar. Bu görkeziji Ýaponiýada öň bellige alnan şeýle görnüşli söwdalaryň ählisinden ýokary boldy.

Balik ýurduň demirgazygynda ýerleşýän Aomori prefekturasynyň deňiz giňişliklerinde tutuldy. Hünärmenleriň bellemegine görä, bu satyn alyş geçen asyryň ahyrynda goýlan rekordy hem täzeledi.

Ýaponiýaly restoran eýeleri üçin şeýle çykdajy diňe bir söwda däl, eýsem abraý meselesidir. Ýylyň başynda iň gymmat balygy satyn almak üstünlik we müşderi ynamynyň nyşany hasaplanýar. Hut şu ýörelge dünýäniň beýleki ýurtlarynda, şol sanda Türkmenistanda hem azyk bazarlarynda ýokary hilli önümleriň gymmatynyň näme üçin ýokary bolýandygyny düşündirýär.