Oýun sanawy
Magtymguly adyndaky Milli sazly-dramatiki teatrynda şahyryň 85 ýyllygyna bagyşlanan ýatlama agşamy geçirildi. Mundan 50 ýyl öň ýaş wagty aradan çykan Gurbannazar Ezizow gysga ömrüne garamazdan, edebiýatda uly yz galdyran döredijilik eýesi hökmünde hormatlanýar.
Agşam wagty Milli teatryň hem-de Baş akademiki dramatiki teatryň artistleri şahyryň durmuşyndan alnyp döredilen sahna kompozisiýalaryny görkezdi.
çykyş edenleriň arasynda Türkmenistanyň Gahrymany Gözel Şagulyýewa hem bolup, Gurbannazar Ezizowyň döredijiliginiň öz sungat ýolunda nähili möhüm ähmiýete eýedigini gürrüň berdi.
Sahna arkasynda şahyryň maşgalasyna degişli fotosuralar görkezildi. Şahyryň gyzlarynyň suratlary peýda bolanda, Türkmenistanyň halk artisti Atageldi Garyagdýewiň ýerine ýetirmeginde «Gyzlaryma» aýdymy ýaňlandy. Bu setirlerde her bir gyzly atanyň ýüregine ýakyn duýgular beýan edilýändigi aýdylýar.
Agşamda şahyryň sözlerine döredilen «Uzak ýaýlada enäniň hümdisi», «Dostlaryma», «Topragym» ýaly aýdımlar hem ýerine ýetirilip, olary halk artistleri Lýale Begnazarowa, Atajan Berdiýew we Türkmenistanyň at gazanan artisti Batyr Çaryýew ýerine ýetirdiler.
Şahyryň gyzy Ýazgül Ezizowa kakasy baradaky ýatlamalary bilen paýlaşdy. Çäräniň dowamynda sahna gelen iki kiçijik agtykçalary — şahyryň çowluklary — tomuşly el çarpyşmalar bilen garşylanyldy.
Şeýle hem okanyň
Türkmen alabaýynyň baýramynda iki hünärmene «Türkmenistanyň at gazanan itşynasy» diýen hormatly at dakyldy
26 Okt. 07:21Türkmenistanyň Prezidenti Serdar Berdimuhamedow milli baýramçylyk bolan Türkmen alabaýynyň güni mynasybetli «Türkmenistanyň at gazanan itşynasy» diýen hormatly ady dakmak baradaky degişli Permana gol çekdi. TDH habarlar gullugynyň habar bermegine görä, bu resminama milli itşynaslyk mekdebiniň köpasyrlyk däplerini saklamakda hem-de türkmen alabaýlarynyň şan-şöhratyny dünýä ýaýmakda uly hyzmatlary bitiren zähmetkeşleri sarpalamaga gönükdirilendir.
Döwlet Baştutanymyzyň Permanyna laýyklykda, alabaý itlerini ylmy esasda saklamakda, köpeltmekde we olaryň tohum arassalygyny goramakda köp ýyllaryň dowamynda çeken halal hem-de göreldeli zähmeti göz öňünde tutulyp, iki raýata bu ýokary döwlet ady gowşuryldy. Şunlukda, Türkmenistanyň Döwlet serhet gullugynyň Merkezi gulluk itlerini köpeldiş we kämilleşdiriş ýeriniň uly tehnigi Begmyrat Halwatjanow hem-de Türkmenistanyň Döwlet migrasiýa gullugynyň harby bölüminiň it idedijisi Parahat Bäşimow bu mukaddes ada mynasyp görüldiler.
Ata-babalarymyzdan miras galan türkmen alabaýlary halkymyzyň baý medeni mirasynyň aýrylmaz bölegi bolup durýar. Häzirki wagtda ýurtda alabaýlaryň baş sanyny artdyrmak, olary halkara derejede wagyz etmek we harby hem-da hukuk goraýjy edaralarda gulluk itleri hökmünde netijeli ulanmak boýunça giň göwrümli döwlet maksatnamalary üstünlikli amala aşyrylýar.
Şeýle hem okanyň
Blitz