Oýun sanawy
Aşgabadyň asmany Bitaraplygyň 30 ýyllygy mynasybetli feýerwerkler bilen ýagtylandy
13 Dek. 05:25Şu gün Türkmenistan hemişelik Bitaraplygynyň 30 ýyllygyny dabaraly ruhda belledi. Baýramçylyk çäreleri agşam paýtagt Aşgabadyň asmanyny bezän täsirli feýerwerkler bilen jemlendi. Şäheriň ýaşaýjylary hem-de myhmanlary dürli görnüşlerde we reňklerde ýaýran, älemgoşar öwüşginli atyşlary uly gyzyklanma bilen synladylar.
Baýramçylyk çäreleri ozal habar berlişi ýaly, Bitaraplyk binasyna gül goýmak dabarasy bilen başlapdy. Türkmenistanyň Prezidenti Serdar Berdimuhamedow beýleki döwlet we hökümet ýolbaşçylary bilen bilelikde ýurduň daşary syýasatynyň binýadyny düzýän hemişelik Bitaraplygyň taryhy ähmiýetini hormat bilen ebedileşdirdi.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz