Oýun sanawy
Şu hepde Türkmenistana sowuk howa, güýçli ýel we üýtgäp durýan ýagdaýa garaşylýar
16 Sen. 05:43Hepdäniň başynda Türkmenistanda howa şertlerine Wolganyň üstünde ýerleşýän antisiklon täsir edýär. Bu ýagdaý ýurduň käbir ýerlerine sowuk howanyň gelmegine sebäp bolar.
Duşenbe:
Balkan we Daşoguz welaýatlarynyň demirgazygynda gijelerine +10…+15°C, gündiz +20…+25°C.
Ahal welaýatynda +21…+28°C, Mary we Lebap welaýatlarynda +23…+28°C.
Sişenbe:
Sowuk gijeler ýurt boýunça ýaýrar: demirgazykda +8…+13°C, beýleki ýerlerde +11…+18°C. Gündiz +22…+29°C.
Çarşenbe – penşenbe:
Gijeler salkynlygyna galýar, gündiz temperaturalar az-kem ýokarlanar: demirgazykda +21…+26°C, günortada +23…+28°C.
Anna:
Balkan welaýatynda güýçli ýel (17–22 m/s) bolup biler, sebäbi Kaspiniň üstündäki pes basyş bilen demirgazykdaky ýokary basyş arasynda gradient döreýär. Käbir ýerlerde tozanly şemallar mümkin.
Dynç günleri:
Antisiklon güýçsüzlenýär we günortadan yssy howa girýär. Temperaturalar +35…+37°C çenli ýokarlanyp biler. Emma bu yssy uzak dowam etmez — ýene-de güýçli ýel we käbir ýerlerde ýagyş garaşylýar.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Şeýle hem okanyň
Blitz