Oýun sanawy
Aşgabat täze 2026-njy ýyly bellemek üçin giň gerimli taýýarlyklara girişdi. Şäheriň medeni merkezlerinde, esasy prospektlerinde, dynç alyş seýilgählerinde hem-de köpçülikleýin çäreler geçirilýän ýerlerde täze ýyl arçalary dürli bezegler bilen gurnalar. Bu barada hökümet mejlisinde wise-premýer B. Annamämmedow hasabat berdi.
“Älem” Medeni-dynç alyş merkeziniň öňündäki meýdançada ýerleşdiriljek ýurdumyzyň Baş Arçasyny bezelemek boýunça işler hem dowam edýär. Wise-premýer baş baýramçylyk meýdançasynyň bezeg taslamasy bilen bagly teklibini döwlet Baştutanyna hödürledi.
Prezident Serdar Berdimuhamedow paýtagtyň täze ýyl baýramyna laýyk derejede taýýarlanylmagynyň möhümdigini belläp, degişli tabşyryklary berdi.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Şeýle hem okanyň
Blitz