Şu gün ir säher bilen ýurdumyzyň ähli metjitlerinde baýramçylyk namazy okalyp, öten-geçenler ýatlandy we parahatçylyk hem-de agzybirlik üçin doga-dilegler edildi. Halkymyz gadymdan gelýän asylly däp-dessurlaryna eýerip, janly soýup, milli tagamlary taýýarlamak bilen yslam dünýäsiniň iň uly baýramlaryndan biri bolan Gurban baýramyny giňden we dabaraly ýagdaýda bellenilýar.

Baýramçylyk mynasybetli Aşgabat we Arkadag şäherlerinde, şeýle hem ýurdumyzyň ähli welaýatlarynda baý mazmunly medeni-köpçülikleýin çäreler we aýdym-sazly dabaralar guralýar. Üç günüň dowamynda her bir öýde bereketli desterhanlar ýazylyp, doganlyk-dostluk gatnaşyklaryny berkitmek üçin gurbanlyk sadakalary berilýär. Şeýle hem ýaşlar belent hiňňildiklerde uçup, halkymyzyň köpöwüşgünli milli däp-dessurlaryny dowam etdirýärler.

Hormatly Prezidentimiziň ýörite Permanyna laýyklykda, maý aýynyň 27-28-29-njy günleri ýurtda iş däl günleri diýlip yglan edildi, bu bolsa raýatlara baýramy maşgala gurşawynda geçirmäge doly şert döredýär. Mähriban ildeşler, Gurban baýramyňyz gutly bolsun, berýän gurbanlyklaryňyz we edýän doga-dilegleriňiz gadyrly Hakyň dergähinde kabul bolsun!