Oýun sanawy
Aşgabatda BMG-nyň Durnukly Ösüş Maksatlaryna ýetmek boýunça seminar başlandy
23 Okt. 10:52Türkmenistanyň paýtagty Aşgabatda 23–24-nji oktýabr aralygynda ýurt sebitlerinde BMG-nyň Durnukly Ösüş Maksatlaryny (DÖM) ýerli derejede durmuşa geçirmek meselelerine bagyşlanan iki günlük okuw-seminar öz işine başlady. Çäre BMG-nyň Ösüş Maksatnamasy (PÖM) bilen Türkmenistanyň Maliýe we ykdysadyýet ministrliginiň bilelikdäki “Durnukly Ösüş Maksatlaryny ýerine ýetirmek üçin platforma, III tapgyry” atly taslamasynyň çäklerinde geçirilýär.
Seminara Türkmenistanyň Mejlisiniň, dürli ministrlikleriň we edara-kärhanalaryň, Aşgabat, Arkadag we Ahal welaýat häkimlikleriniň, ylmy jemgyýetçiliginiň, jemgyýetçilik guramalarynyň, hususy pudagyň wekilleri hem-de DÖM-iň ýaş ilçileri gatnaşýarlar. Çäräniň esasy maksady – milli mümkinçilikleri berkitmek we Durnukly Ösüş Maksatlarynyň ýerli derejede amala aşyrylmagy baradaky düşünjäni giňeltmekdir.
Seminar gatnaşyjylary DÖM-iň ýerli derejede ornaşdyrylmagynyň netijeli tejribeleri, öňdebaryjy usullary we metodologik çemeleşmeleri bilen tanyşýarlar. Şeýle hem ýurdumyzyň sebitlerinde DÖM-iň durmuşa geçirilişiniň ösüşini yzarlamak üçin görkeziji sanawyny taýýarlamak meselelerine aýratyn üns berilýär.
BMG-nyň Ösüş Maksatnamasynyň halkara eksperti Baky tgül Hambar öz çykyşynda Durnukly Ösüş Maksatlaryny ýerli derejede durmuşa geçirmegiň 2030-njy ýyla çenli Gün tertibini üstünlikli amala aşyrmak üçin aýratyn ähmiýetlidigini belledi. Onuň bellemegine görä, maksatlaryň ýerli şertlere uýgunlaşdyrylmagy sebit derejesinde ösüşiň ýagdaýyny seljerip, netijeliligi we jogapkärçiligi üpjün edýän ygtybarly gözegçilik ulgamyny döretmekde möhüm orny eýeleýär.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz