Oýun sanawy
2026-njy ýylyň 14–16-njy apreli aralygynda Türkmenistanyň paýtagty ilkinji gezek iri halkara syýahatçylyk forumynyň we TurkmenTravel-2026 sergisiniň geçiriljek meýdançasyna öwrüler. Ýurdumyzyň Söwda-senagat edarasynda dünýäniň syýahatçylyk guramalarynyň wekilleri, awiakompaniýalar we pudagyň öňdebaryjy ýolbaşçylary ýygnanar.
Gün tertibinde — syýahatçylygy sanlylaşdyrmak, lukmançylyk we bilim ugurly syýahatçylyk marşrutlary, myhmanhana işi hem-de halkara hyzmatdaşlygynyň täze görnüşleri bar. Döwletler öz medeni we syýahatçylyk mümkinçiliklerini tanyşdyrmak üçin milli pawilýonlaryny hödürlärler.
Çäräniň guramaçylary — «Talvas Ýoly» ÝGPJ we Oguz Forum & Expo bolup, ol Türkmenistanyň Medeniýet ministrliginiň hem-de Söwda-senagat edarasynyň goldawy bilen geçirilýär.
Forumyň esasy maksady — Aşgabat şäheriniň sebit we dünýä derejesinde syýahatçylyk, maýa goýumlary we işewürlik dialogy üçin özüne çekiji ugur hökmünde abraýyny berkitmekdir.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz