Oýun sanawy
Türkmenistanyň adaty karate boýunça ýygyndy topary 2026-njy ýylyň mart aýynyň 10-17-si aralygynda Polşanyň Krakow şäherinde geçiriljek abraýly halkara ýaryşyna gatnaşmak üçin ugrady. Bu sport sapary milli türgenlerimiziň halkara derejesindäki tejribesini artdyrmaga we ýurdumyzyň sport abraýyny dünýä arenasynda has-da belende götermäge gönükdirilendir. Bäsleşigiň dowamynda türgenlerimiz özleriniň ussatlyklaryny we ýokary taýýarlyk derejelerini görkezerler.
Polşa ugran wekiliýetiň düzüminde jemi 13 adam bolup, olaryň 10-sy dürli agram derejelerindäki türgenlerdir. Toparyň hatarynda sport ussatlary Eziz Zekerýaýew we Selim Myratdurdyýew ýaly tejribeli pälwanlar, şeýle hem birinji derejeli türgenleriň sekizisi bar. Iki sany tälimçiniň goldawy we topar ýolbaşçysy Diýar Hojaýewiň ýolbaşçylygyndaky ýygyndy topar bir hepde dowam etjek çekeleşikli tutluşyklarda ýurdumyzyň sport sarpasyny gorarlar.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz