Oýun sanawy
Halkara futbol taryhy we statistikasy federasiýasynyň 2025-nji ýyl boýunça taýýarlan sanawyna laýyklykda, Türkmenistanyň Ýokary ligasy dünýäniň iň güýçli 100 milli çempionatynyň hataryna goşuldy.
Täze reýtingde türkmen çempionaty geçen ýylky görkezijisinden 21 basgançak ýokary galyp, 77-nji orny eýeledi. Merkezi Aziýanyň Futbol assosiasiýasyna agza ýurtlaryň arasynda bu ikinji netijedir. Sebitde diňe Eýranyň çempionaty has ýokary ýerde — 62-nji orunda ýerleşýär. Şeýle-de sanawda Özbegistanyň Superligasy 93-nji basgançakda görkezilýär.
Türkmenistanyň Ýokary ligasynyň şeýle öňe gitmegi 2025-nji ýylda ýerli toparlaryň halkara ýaryşlardaky üstünlikleri bilen düşündirilýär. Hususan-da, «Arkadag» futbol klubunyň yklym derejesindäki çykyşlary möhüm täsir etdi.
Reýtingiň başynda Angliýanyň premýer-ligasy ýerleşýär. Şeýle hem ilkinji üçlüge Ispaniýanyň we Braziliýanyň çempionatlary girýär.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz