Oýun sanawy
Türkmenistanyň kiokuşinkaý karate boýunça milli ýygyndysy halkara ýaryşda çykyş eder
20 Dek. 10:43Türkmenistanyň kiokuşinkaý karate boýunça milli ýygyndysy 19–21-nji dekabr aralygynda Nowaýy şäherinde geçiriljek «Arkalaşygyň Kubogy» atly halkara ýaryşa gatnaşmak üçin ýola düşdi. Bu ýaryş Türkmenistanyň sport ulgamynda halkara tejribäni artdyrmak üçin möhüm ähmiýete eýedir.
Ýaryşa Ýewropa, Aziýa we Afrika yklymlarynyň dürli ýurtlaryndan türgenleriň gatnaşmagyna garaşylýar. Türkmenistanyň sport wekiliýetine Meýlis Paşagulyýew ýolbaşçylyk edýär, milli ýygyndynyň düzüminde bolsa üç türgen çykyş eder.
Ýaryşa ugramazdan öň, Türkmenistanyň karateçileri ýokary derejeli taýýarlyk okuwlaryny geçirip, fiziki taýýarlygyny, tehniki başarnyklaryny we taktiki usullaryny kämilleşdirdiler. Bu halkara ýaryşa gatnaşmak Türkmenistanyň sport abraýyny has-da belende götermäge hyzmat eder.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz