Ozal habar berlişi ýaly, şu gün Türkmenistanyň Prezidenti Serdar Berdimuhamedow sanly ulgam arkaly Türkmenistanyň Ministrler Kabinetiniň nobatdaky mejlisini geçirdi. Mejlisde wise-premýer B. Annamämmedow «Türkmenhimiýa» döwlet konserniniň düzümine girýän kärhanalarda alnyp barylýan maddy-enjamlaýyn binýady kämilleşdirmek boýunça işler barada hasabat berdi.

«Watan» habarlar gepleşiginde bellenilişi ýaly, Türkmenistanyň «Türkmenturba» önümçilik zawodynyň durnukly işlemegini üpjün etmek maksady bilen önümçilik işine zerur bolan häzirki zaman enjamlar we degişli himiýa serişdeleri bilen öz wagtynda üpjün etmek boýunça meýilnamalaýyn çäreler durmuşa geçirilýär. Bu ugurda wise-premýer Türkmenistanyň Prezidentiniň garamagyna birnäçe teklipleri hödürledi.

Hasabaty diňlän Türkmenistanyň Prezidenti ýurduň himiýa senagatynyň önümçilik mümkinçiliklerini doly peýdalanmagyň döwlet syýasatynda möhüm orun eýeleýändigini nygtady. Şeýle hem döwlet Baştutany «Türkmenhimiýa» döwlet konserniniň «Türkmenturba» zawodynyň maddy-enjamlaýyn binýadyny pugtalandyrmaga gönükdirilen teklipleri goldap, degişli işleri ýerine ýetirmek boýunça wise-premýere anyk tabşyryklary berdi.