Oýun sanawy
Türkmenistanyň Eýran Yslam Respublikasyndaky ilçihanasy, Eýran bilen Ykdysady Hyzmatdaşlyk Guramasynyň (ECO) ikinji milli forumyna gatnaşdy. Forum EÝR-nyň Daşary işler ministrliginiň Syýasy we halkara gözleg merkezinde geçirildi.
Türkmenistanyň DIM-niň habaryna görä, forumyň esasy maksady agza ýurtlaryň ykdysady, tehnologik we aragatnaşyk hyzmatdaşlygyny seljermek hem-de guramanyň ösüş strategiýasy boýunça hünärmen tekliplerini taýýarlamakdan ybarat boldy.
Çäräniň dowamynda üç ýörite mejlis geçirildi: «Sebitleýin aragatnaşyk», «ECO we täze tehnologiýalar» hem-de «ECO Vision 2035».
Türkmenistan bu guramanyň işjeň agzasy hökmünde birnäçe ýyl bäri özara bähbitli, köpugurly hyzmatdaşlygy dowam etdirýär we guramanyň başlangyçlaryna işjeň gatnaşýar.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz