Oýun sanawy
«Le Travel» kompaniýasy «TurkmenTravel — 2026» halkara sergisine gatnaşýar
14 Aprel. 10:19Aşgabatda geçirilýän halkara “TurkmenTravel — 2026” sergisinde Le Travel syýahatçylyk kompaniýasy hem işjeň gatnaşýar.
Kompaniýa ýurdumyzda ýerleşýän esasy syýahatçylyk ugurlaryny — Gadymy Merw, Nusaý, Köneürgenç, Ýaňgala kanýonlary we Derweze gaz krateri ýaly dünýä belli ýerleri hödürleýär.
Şeýle-de Le Travel syýahatçylara giň gerimli hyzmatlary — şahsy we toparlaýyn gezelençleri guramak, wiza goldawy, professional ýolbelet hyzmatlary we Beýik Ýüpek ýolunyň ugrunda ýörite syýahatçylyk ugurlaryny taýýarlamak ýaly mümkinçilikleri hödürleýär.
Bu kompaniýanyň forumdaky gatnaşmagy Türkmenistanyň syýahatçylyk mümkinçilikleriniň dünýäde tanadylmagynda möhüm ähmiýete eýedir.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz