Oýun sanawy
Türkmenistanda «Arkadag» – «Al-Nasr» oýnuna bagyşlanan ýörite sport köýnekleri taýýarlanylýar
28 Ýan. 08:07Türkmenistanda geçiriljek iri futbol wakasynyň öňüsyrasynda täze sport önümleri çykarylýar. Türkmenbaşy adyndaky Dokma toplumy 11-nji fewralda Aşgabat şäherinde meýilleşdirilen «Arkadag» we «Al-Nasr» futbol klublarynyň duşuşygyna bagyşlap, «Nusaý» haryt nyşany bilen sport köýnekleriniň aýratyn toplumyny öndürmäge başlady.
Türkmenistan janköýerleri üçin niýetlenen bu sport köýnekleri arassa nah matadan tikilýär. Köýnekleriň öň ýüzünde «Arkadag» futbol toparynyň ady aýratyn nyşan hökmünde ýerleşdirilýär. Arka tarapynda bolsa Türkmenistanyň ýylyň şygary bolan «Garaşsyz, baky Bitarap Türkmenistan – bedew batly at-myradyň mekany» ýazgysy orun alýar. Bu barada «Türkmenistan: Altyn asyr» neşiri habar berdi.
Belläp geçmek gerek, Türkmenbaşy adyndaky Dokma toplumy Türkmenistanda we halkara derejede tanalýan önümçilik merkezleriniň biridir. Kärhana köp ýyllardan bäri FIFA we UFC nyşanlary bilen ýokary hilli sport egin-eşikleri öndürýär. Bu önümler diňe bir professional türgenleriň däl, eýsem sagdyn durmuş ýörelgesini saýlaýan giň jemgyýetiň arasynda hem uly meşhurlyga eýedir.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz