Özbegistanyň Döwlet statistika komitetiniň maglumatlaryna görä, 2025-nji ýylyň ýanwar–awgust aýlarynda Türkmenistan goňşy ýurtdan edilýän importy 17,9 million ABŞ dollary möçberinde artdyrdy.

Hasabat döwründe iki ýurduň arasyndaky umumy söwda dolanyşygy 677,8 million ABŞ dollaryna deň boldy. Türkmenistanyň Özbegistana edýän eksportynyň möçberi 581,6 million dollar boldy.

Şol bir wagtyň özünde, Özbegistandan Türkmenistana getirilýän harytlar we hyzmatlaryň jemi bahasy 96,2 million dollar bolup, 2024-nji ýylyň degişli döwründäki 78,3 million dollarlyk görkezijiden ep-esli ýokary boldy.