Oýun sanawy
Türkmenistanyň Döwlet haryt-çig mal biržasynda halkara we içeri söwdalar geçirildi
15 Maý. 09:21Türkmenistanyň Döwlet haryt-çig mal biržasynda guralan nobatdaky söwda-satlyk meýdançasynda daşary ýurtly we ýerli işewürleriň gatnaşmagynda birnäçe möhüm şertnamalar hasaba alyndy. Guralan söwdalaşyklaryň netijesinde daşarky we içerki bazarlarda dürli pudaklara degişli önümleri ýerlemek boýunça ylalaşyklar gazanyldy.
Eksport ugry boýunça Gyrgyz Respublikasynyň telekeçileri uly işjeňlik görkezip, ýurdumyzyň dokma toplumynyň kärhanalarynda öndürilen ýokary hilli nah ýüplüklerini satyn almak barada geleşikleri baglaşdylar. Döwlet bäsleşikli söwdalarynyň maglumatlaryna görä, daşary ýurt puluna amala aşyrylan bu söwdanyň umumy bahasy 1 million 516 müň ABŞ dollaryna barabar boldy.
Içerki bazarda bolsa ýerli hususyýetçiler milli ykdysadyýetimiziň döwlet bölegine degişli önümçilik düzümleriniň çykaran harytlaryny satyn aldylar. Hususan-da, türkmen işewürleri «Türkmennebit» döwlet konserninden tehniki maksatlar üçin niýetlenen «SN-600» kysymly başlangyç ýagyny, şeýle hem Dokma senagaty ministrliginden taýýar nah matalary satyn almak barada geleşikleri amala aşyrdylar.
Biržanyň resmi hasabatyna görä, bu gezekki söwda gününiň dowamynda jemi 3 sany ykdysady şertnama baglaşyldy. Milli pulda hasaplaşylan içerki amallaryň umumy gymmaty 8 million 510 müň manatdan gowrak bolup, ol ýurt içindäki haryt dolanyşygynyň durnukly ösüşini subut edýär.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Blitz