Oýun sanawy
Türkmenistanyň milli awiakompaniýasy howa gämileriniň hyzmaty boýunça işgärleri işe kabul edýär. Aşakdaky ugurlar boýunça boş iş orunlary açykdyr:
-
Gövde we dzýul motory boýunça awiatehnikler,
-
Enjamlar we elektrik ulgamyna degişli awiatehnikler,
-
Howa gämilerine tehniki hyzmat, abatlaýyş we diagnostika boýunça inženerler.
Işe dalaş edýänlerden aşakdaky talaplara laýyk gelmek talap edilýär: Türkmenistanyň raýatlygynyň bolmagy, ýaşaýyş ýeriniň Aşgabatda ýa-da Ahal welaýatynyň Ak bugdaý we Gökdepe etraplarynda bolmagy, ýaş çägi – 45-den aşak, orta hünär ýa-da ýokary derejeli awiasiýa-tehniki bilimi. Erkek dalaşgärler üçin harby bilet hökmanydyr.
Resminamalar 31-nji oktýabra çenli kabul edilýär. Giňişleýin maglumat üçin aşakdaky telefon belgilerine jaň edip bilersiňiz:
+99312-37-85-50, +99312-37-85-41, +99365-72-58-43.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Şeýle hem okanyň
Blitz