Oýun sanawy
Türkmen tansçylary Almatyda «Tans et, Türkmenistan!» taslamasynyň çäginde döredijilik rezidensiýasyna gatnaşýarlar
26 Sen. 06:232025-nji ýylyň 22-nji sentýabryndan 3-nji oktýabry aralygynda Gazagystanyň Almaty şäherinde ýaş türkmen tansçylary we horeograflary üçin döredijilik rezidensiýasy geçirilýär. Çäre Gazagystanyň häzirki zaman tans teatry JOLDA tarapyndan geçirilýär we häzirki zaman tans sungatyny ösdürmäge gönükdirilen giň gerimli «Tans et, Türkmenistan!» taslamasynyň bir bölegi bolup durýar.
Bu taslama Fransuz instituty (Türkmenistandaky), Türkmenistanyň Medeniýet ministrligi, Ýewropa Bileleşiginiň wekiliýeti, Fransiýanyň we Italiýanyň Türkmenistandaky ilçihanalary hem-de Gazagystandaky Göte instituty tarapyndan goldanýar. Taslama EUNIC – Ýewropa medeniýet giňişlikleri maksatnamasynyň çäklerinde maliýeleşdirilýär.
Rezidensiýanyň maksady – dürli ýurtlaryň döredijileriniň arasynda tejribe alyşmak, döredijilik gatnaşyklaryny ösdürmek we bilelikde sahna eserlerini döretmek üçin mümkinçilik döretmekdir. Iki hepdelik döwründe gatnaşyjylar halkara ussatlary bilen işleşýärler, gündelik türgenleşiklere gatnaşýarlar, tejribe sapaklaryna we döredijilik duşuşyklaryna gatnaşýarlar.
Programmanyň çäginde gatnaşyjylar JOLDA DANCE THEATRE, «Samruk» häzirki zaman tans teatry, TEATRO89, «TRANSFORMA» medeni giňişligi, Almatynyň sungat muzeýi ýaly merkezlere baryp görýärler. Şeýle hem olar belli suratkeşler we kompozitorlar — Tamara Said, Ella Bäýysbaýewa we Mark Kuklin bilen duşuşýarlar.
Taslamanyň prodýuserleri — «JOLDA» teatrynyň döredijisi Жanna Tulendy we garaşsyz prodýuser Nafisat Ermagambetowa. Horeografiýa toparyna Artur Galimullin, Gülsaýa Tawurkhanowa, Mariýa Gubanowa we Tomiris Mettybaýewa ýaly tejribeli ussatlar ýolbaşçylyk edýärler.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Şeýle hem okanyň
Blitz