Türkmenistanyň Garaşsyzlygynyň 34 ýyllygynyň öňüsyrasynda Demirýol ulaglary ministrliginde dabaraly çäre geçirildi. Çäräniň dowamynda ulag we aragatnaşyk ulgamynda zähmet çekýän işgärlere döwlet sylaglary we hormatly atlar dabaraly ýagdaýda gowşuryldy.

Milli baýramçylyk mynasybetli dürli pudaklarda aýratyn tapawutlanan hünärmenlere ýokary döwlet sylaglaryny bermek adata öwrüldi. Şu ýyl hem ulag-aragatnaşyk toplumynda zähmet çekýän iri topar hünärmenler özleriniň netijeli işleri we pudaga goşan goşantlary üçin sylaglandy.

Dabarada çykyş eden aragatnaşyk ulgamynyň wekilleri, Garaşsyzlyk ýyllarynda Türkmenistanyň sanly ösüşde we halkara hyzmatdaşlykda möhüm merkez hökmünde tanalandygyny bellediler.