Oýun sanawy
Şu gün Alp Arslan adyndaky milli drama teatrynda Magtymguly adyndaky Ýaşlar guramasy, Medeniýet ministrligi hem-de Telewideniýe, radiogepleşikler we kinematografiýa baradaky döwlet komiteti tarapyndan bilelikde guralýan «Ýylyň parlak ýyldyzy» atly aýdym-saz bäsleşiginiň jemleýji tapgyry geçirildi.
Bäsleşigiň jemleýji tapgyryna ýurduň ähli welaýatlaryndan saýlanyp alnan, 17 ýaşdan 35 ýaşa çenli bolan on aýdymçy gatnaşdy. Gatnaşyjylar biri sazly, biri bolsa sazsyz görnüşde iki aýdymy ýerine ýetirdiler.
Bäsleşigiň ýeňijisi Göwher Hajymyradowa boldy. Oňa Göçme kubogy we baş baýragy bäsleşigiň geçen ýylky ýeňijisi Durdy Durdyýew gowşurdy.
Bäsleşigiň ýeňijisi emin agzalarynyň beren sesleri hem-de tomaşaçylaryň arasynda geçirilen SMS ses berlişigi esasynda kesgitlenildi.
Şeýle hem okanyň
Türkmenistanyň paýtagtynda Hazar deňziniň daşky gurşawyny goramak boýunça halkara okuw çäresi açyldy
08 Sen. 18:39Aşgabatda «Hazar deňzi – durnukly ösüş we dolandyryş» diýlip atlandyrylan 11-nji Halkara okuw maslahaty öz işine başlady. Ýurduň Daşary işler ministrliginiň, Hazar deňzi institutynyň hem-de Halkara okean institutynyň bilelikde guramagynda geçirilýän bu çäre 18-nji sentýabra çenli dowam eder. Аçylyş dabarasynda BMG-niň we beýleki öňdebaryjy halkara guramalaryň wekilleri çykyş edip, Hazar deňziniň ekologik ýagdaýyna, suwuň çekilmeginiň sebäplerine we deňiz hukugyna aýratyn üns berilýändigini nygtadylar.
2013-nji ýyldan bäri geçirilýän bu bilim maksatnamasynyň çäklerinde Hazarýaka ýurtlardan hem-de Hytaýdan 175 sany hünärmen öz hünär taýýarlygyny ýokarlandyrdy. Şeýle hem maslahatyň dowamynda Türkmenistanyň деми bilen BMG-niň Baş Assambleýasy tarapyndan 2028-nji ýyly «Halkara hukugynyň ýyly» diýip yglan etmek baradaky Kararnamanyň möhüm ähmiýeti barada pikir alşyldy.
Şeýle hem okanyň
Blitz