Oýun sanawy
Tikenjik bilen Mymyjyk körpelere sabyrsyzlyk bilen garaşýar!
24 Sen. 06:48Çagalar üçin ajaýyp habar! Oguz han adyndaky «Türkmenfilm» birleşigi Tikenjik atly kirpijik bilen Mymyjyk atly towşanjygyň başdan geçirenleriniň 3-nji we 4-nji bölümlerini önümçilige göýberdi. Bu multserial 6 ýaşa çenli çagalar üçin niýetlenendir we gahrymanlaryň gyzykly wakalaryndan durýar.
«Gowy gün» atly bölüm 2025-nji ýylyň 4-7-nji awgusty aralygynda Gazagystanda geçirilen Halkara Ülker animasiýa festiwalyna ilkinji gezek gatnaşdy. Bu bolsa türkmen multfilmleriniň önümçiliginiň halkara standartlaryna laýyk gelýändiginiň subutnamasydyr.
Multserialyň birinji we ikinji bölümleri «Ýaşlyk» teleýaýlymynda we «BeletFilm» onlaýn kinoteatrynda iň köp görülýänleriň hataryna girdi. 2D görnüşindäki multfilm gahrymanlaryň bilelikde oýnap, ululary diňläp, biri-birini goldap, ýalňyşanlarynda ötünç soraýandygyny görkezýär.
Birinji iki bölüme «BeletFilm» onlaýn kinoteatrynda tomaşa edip bilersiňiz ýa-da 0530 gysga belgisine 871 ýazyp göni internet salgysyny alyp bilersiňiz.
Täze bölümlere sabyrsyzlyk bilen garaşýarys, olar körpelere ýakymly pursatlardan doly ajaýyp sowgat bolar!
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz