Oýun sanawy
Türkmen senenamasyna görä, 8-nji dekabrdan 17-nji ýanwara çenli dowam edýän uly çille — gyşyň iň şindem sowuk döwrüdyr. «Türkmenistan» gazedinde bellenilişi ýaly, halk: «Gyşyň kyrk hili bar, hiç biri ýeňil däl» diýipdir. Şonuň üçin hem uly çille döwründe ata-babalarymyz ünsli hem-de seresap bolmagy maslahat beripdirler, sebäbi kyrk günlük ýiti sowuk çopanlary mallaryndan, daýhanlary ekinlerinden mahrum edip bilýär.
Aýazly gijelerde howa –10…–15 °C çenli peselende, tejribeli çopanlar mallary 25–30 santimetr galyňlykda taýýarlanan mal dersiniň üstünde ýatyrýarlar. Ertir irden guradylan otlardan iýmit berip, Gün dogup meýdan doňy çözülenden soň mallary örä goýberýärler.
Uly çille döwründe garyň ýagmagy ata-babalarymyzyň pikirine görä ýagşy alamat hasaplanypdyr. Olar: «Çille gary — ýeriň gany» diýip, garyň hem-de ýagyşly günleriň toprak üçin juda peýdalydygyny nygtapdyrlar. Eger bu döwür garly we ýagynly geçse, täze möwsümde bereketli hasyla garaşylýar.
Gyş paslynda Ýer Güne takmynan 5 million kilometr golaýlasa-da, Gün şöhlesiniň gytak taýdan düşmegi we gyş günleriniň gysga bolmagy sebäpli ýer ýeterlik derejede gyzyp ýetişmeýär.
Uly çille käwagt ýumşak hem-de ýagynsyz hem gelip bilýär. Şeýle yzygiderli ýyly gyşlarda türkmenler: «Gyş soňuna syrykdy» diýip aýdypdyrlar.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Şeýle hem okanyň
Blitz