Oýun sanawy
Bu güýzde Türkmenistanda taryhy waka boldy — ýurdumyzda ilkinji gezek doly ýerli derejede gurlan gämi suwa goýberildi. Gadamly diýlip atlandyrylan bu gäminiň 6100 tonna göterijiligi bar we konteýner daşamak üçin niýetlenendir.
Türkmenistanyň Bilim ministrliginiň habaryna görä, 4-nji noýabrda geçirilen dabarada Inženerçilik we ulag aragatnaşyklary institutynyň “Suw transportynyň işleýşi” kafedrasynyň “Gämigurluşyk” hünäriniň talyplary we mugallymlary gatnaşdylar. Bu institutyň uçurymlary hem gäminiň gurluşygyna gatnaşdylar.
Gämi “Balkan” gämi gurluşyk we abatlaýyş zawodynda Koreýanyň Koryo Shipbuilding Industry Technology Co., Ltd. kompaniýasy we türkmen hünärmenleri bilen hyzmatdaşlykda gurlupdy.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Şeýle hem okanyň
Blitz