Oýun sanawy
Aşgabatda serginiň ikinji güni: halkara maýa goýum forumy geçirildi
18 Mart. 15:02Türkmenistanyň Söwda-senagat edarasynda Senagatçylar we telekeçiler birleşmesiniň döredilmeginiň 18 ýyllygyna bagyşlanan giň gerimli sergi dowam edýär. Bu gün onuň eýýäm ikinji güni bolup, hususy pudagyň gazananlaryny görkezýän möhüm meýdança bolup hyzmat edýär.
Sergi dürli pudaklary — senagatdan oba hojalygyna, sanly tehnologiýalardan ulag-logistika ulgamyna çenli ugurlary öz içine alýar. Gatnaşyjylar içerki we daşary bazarlara gönükdirilen ýokary hilli önümlerini tanyşdyrýarlar.
Serginiň ikinji gününde «Türkmenistanyň geljegine maýa goýumlar» atly halkara forum geçirildi. Ol döwlet edaralarynyň, işewürleriň hem-de daşary ýurtly hyzmatdaşlaryň arasynda tejribe alyşmak we täze hyzmatdaşlyklary ýola goýmak üçin möhüm meýdança boldy.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz