Oýun sanawy
Prezident Serdar Berdimuhamedow Ýaponiýanyň täze Premýer-ministrini gutlady
22 Okt. 06:24Türkmenistanyň Prezidenti Serdar Berdimuhamedow Ýaponiýanyň Premýer-ministri wezipesine saýlanmagy mynasybetli Sanae Takaitä gutlag hatyny iberdi. Bu barada TDH habar berýär.
Döwlet Baştutany gutlag hatynda Türkmenistan bilen Ýaponiýanyň arasynda özara hormat, deňhukuklylyk we ynanyşmak ýörelgelerine esaslanýan dostlukly gatnaşyklaryň geljekde hem iki ýurduň bähbitlerine laýyklykda ösdüriljekdigine ynam bildirdi.
Prezident Serdar Berdimuhamedow Sanae Takaite berk jan saglyk, şahsy bagtyýarlyk we ýapon halkynyň ösüşi hem-de abadançylygy ugrunda alyp barýan işlerinde uly üstünlikleri arzuw etdi.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz