Oýun sanawy
Türkmen-brazil diplomatik gatnaşyklaryna 30 ýyl: Dostluk we hyzmatdaşlyk ýoly
03 Aprel. 07:43Türkmenistan bilen Braziliýa Federatiw Respublikasynyň arasynda diplomatik gatnaşyklaryň ýola goýulmagynyň 30 ýyllyk baýramy bellenilýär. Şu şanly sene mynasybetli Türkmenistanyň Prezidenti Serdar Berdimuhamedow Braziliýanyň Prezidenti Luis Inasiu Lula da Silwa gutlag hatyny iberdi. Bu diplomatik ädim iki ýurduň arasyndaky özara hormat goýmaga we deňhukuklylyga esaslanýan gatnaşyklaryň täze tapgyra gadam basýandygynyň subutnamasydyr.
Prezident gutlagynda döwletara gatnaşyklaryň esasynyň ynanyşmakdan ybaratdygyny belläp, Türkmenistanyň bu hyzmatdaşlygy has-da giňeltmäge gyzyklanma bildirýändigini nygtady. Şeýle hem, bilelikdäki tagallalaryň iki halkyň bähbidine hyzmat etjekdigine ynam bildirildi. Braziliýanyň dostlukly halkyna bolsa mundan beýläk-de ösüş we rowaçlyk arzuw edildi.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Blitz