Halkara hukugynyň ýylynyň 2028-nji ýylda bellenilmegi bilen bagly taýýarlyk işleriniň çäklerinde Türkmenistanyň Daşary işler ministrliginde ilkinji iş maslahaty geçirildi. Duşuşykda Döwlet Baştutanymyzyň BMG-niň Baş Assambleýasynyň 80-nji mejlisinde öňe süren başlangyjyny durmuşa geçirmek üçin 2026-njy ýyl üçin niýetlenen anyk çäreleriň Meýilnamasy ara alnyp maslahatlaşyldy. Bu resminama ylmy-amaly, guramaçylyk we diplomatik ugurlary birleşdirýän giň gerimli işleri öz içine alýar.

Bellenen meýilnama bäş sany esasy ugurdan ybarat bolup, olar halkara derejesindäki ylmy maslahatlary guramagy, bilim taslamalaryny amala aşyrmagy hem-de ýaşlaryň ylmy gözleglerini goldamagy göz öňünde tutýar. Halkara hukugynyň kadalarynyň parahatçylygyň we durnukly öсüşiň binýady hökmündäki ornuna, şeýle hem Türkmenistanyň hemişelik Bitaraplygynyň syýasy-hukuk mümkinçiliklerini dünýä jemgyýetçiligine açyp görkezmäge aýratyn üns berildi.

Amala aşyryljak işleriň maglumat üpjünçiligini gazanmak maksady bilen, DIM-niň resmi saýtynda ýörite bölüm dörediler we bu baradaky habarlar ýurdumyzyň hem-de daşary ýurtlaryň metbugat serişdelerinde yzygiderli beýan ediler. Maslahatyň ahyrynda degişli döwlet edaralarynyň wekilleri öňde duran wezipeleri ýokary derejede bitirmek üçin özara utgaşykly hereket etmäge taýýardyklaryny tassykladylar.