Oýun sanawy
Türkmenistanyň Prezidenti bilen Ýaponiýanyň Imperatory ikitaraplaýyn hyzmatdaşlygy ara alyp maslahatlaşdy
19 Dek. 13:24Iş sapary bilen Tokioda bolýan Türkmenistanyň Prezidenti Serdar Berdimuhamedow Ýaponiýanyň Imperatory Naruhito bilen duşuşyk geçirdi. Bu barada «Türkmenистан» gazeti habar berdi.
Duşuşykda Türkmenistan bilen Ýaponiýanyň arasyndaky hyzmatdaşlygyň täze, has ýokary derejä çykarylandygy bellenildi. Taraplar ýokary tehnologiýalar, gaýtadan dikeldilýän energiýa çeşmeleri, sanly çözgütler we durnukly ösüş ugurlary boýunça hyzmatdaşlygy mundan beýläk-de ösdürmäge taýýardyklaryny beýan etdiler.
Neşiriň bellemegine görä, türkmen tarapy Ýaponiýanyň ekologik howpsuzlyk, «ýaşyl» energetika, suw serişdelerini dolandyrmak we döwrebap ekologik tehnologiýalar boýunça toplanylan tejribesine aýratyn gyzyklanma bildirýär.
Şeýle hem taraplar ylym, bilim we medeniýet ulgamlarynda hyzmatdaşlygy işjeňleşdirmäge, akademiki hem-de ylmy alyş-çalyş maksatnamalaryny giňeltmäge taýýardyklaryny tassykladylar.
Şeýle hem okanyň
Türkmenistanyň Daşary işler ministri GDA-nyň Baş sekretary bilen duşuşyk geçirdi
10 Sen. 12:42Türkmenistanyň daşary işler ministri Raşid Meredow GDA-nyň Ykdysady geňeşiniň 111-nji mejlisine gatnaşmak üçin ýurdumyza gelen Garaşsyz Döwletleriň Arkalaşygynyň Baş sekretary Sergeý Lebedew bilen duşuşdy. Bu barada Türkmenistanyň daşary syýasat edarasynyň metbugat gullugy habar berýär.
Gepleşikleriň dowamynda taraplar 2026-njy ýylda Türkmenistanyň Arkalaşykdaky başlyklygynyň ileri tutulýan ugurlaryny iş ýüzünde durmuşa geçirmek hem-de GDA-nyň çäklerinde amaly hyzmatdaşlygy giňeltmek meselelerini maslahatlaşdylar.
Duşuşykda 2026-njy ýylyň 7-nji we 9-njy oktýabrynda «Awaza» milli syýahatçylyk zolagynda geçiriljek GDA-nyň Daşary işler ministrleriniň Geňeşiniň we Döwlet Baştutanlarynyň Geňeşiniň mejlislerine taýýarlyk hem-de olaryň guramaçylyk meselelerine aýratyn üns berildi.
Söhbetdeşligiň ahyrynda taraplar köptaraplaýyn hyzmatdaşlygy mundan beýläk-de pugtalandyrmak üçin bilelikdäki amaly işleri dowam etdirmäge taýýardyklaryny tassykladylar.
Şeýle hem okanyň
Blitz