Oýun sanawy
Milli Lider Arkadag şäheriniň täze seýilgähindäki kemçiliklere ünsi çekdi
08 Mart. 11:51Türkmen halkynyň Milli Lideri Arkadag şäheriniň gurluşygynyň ikinji tapgyry bilen tanyşlygynyň dowamynda täze gurulýan seýilgähde boldy. Halk Maslahatynyň Başlygy seýilgähiň çäklerinde alnyp barylýan abadanlaşdyryş we bezeg işleriniň hili barada düýpli nägilelik bildirip, bu işleriň häzirki zaman talaplaryna laýyk gelmeýändigini belledi.
Gahryman Arkadagymyz aýratyn-da kerwenleriň we bedewleriň şekilleriniň çeperçilik derejesine üns berip, olaryň has kämil bolmalydygyny nygtady. Bu işlere Aba Annaýew adyndaky Halkara atçylyk akademiýasynyň mugallymlarynyň we talyplarynyň çekilmeginiň, ýaşlaryň täzeçil pikirleriniň ulanylmagynyň ähmiýetini belledi. Şeýle-de seýilgähiň ekologiýa ýagdaýyny gowulandyrmak üçin hemişe gök öwüsýän baglaryň sanyny artdyrmak barada anyk görkezmeler berildi. Degişli ýolbaşçylara gurluşyk we bezeg işlerine has jogapkärçilikli hem-de toplumlaýyn esasda çemeleşmek tabşyryldy.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz