Oýun sanawy
Meta emeli intellekt bölümlerinde 600 töweregi işgäri azaltmagy meýilleşdirýär
Meta kompaniýasy emeli intellekt (EI) bilen meşgullanýan bölümlerinde takmynan 600 işgäri azaltmagy meýilleşdirýär. Bu barada kompaniýanyň resmi hatyna salgylanyp, Axios neşiri habar berdi.
Resminama görä, bu çäreler dolandyryşdaky artykmaç byurokratiýany ýok etmek hem-de iş prosesleriniň çeýeligini ýokarlandyrmak maksady bilen amala aşyrylýar. Kompaniýanyň wekili bu maglumatlary CNBC neşirine tassyklady.
Sazlamalar esasan EI infrastrukturasyna, binýatlaýyn barlaglara we önümleri ösdürmek boýunça taslamalara gatnaşýan işgärlere täsir eder. Şol bir wagtda kompaniýa bu işgärleriň köpüsiniň Meta-nyň beýleki bölümlerinde täze orunlara ýerleşdirilmegine garaşýar.
Şeýle-de, kompaniýa täze döredilen TBD Lab bölümine işgär kabulyny dowam etdirýär. Bu bölüm “süperintellekt” tehnologiýalary boýunça iş alyp barýar diýip, The Verge belleýär.
Bloomberg agentliginiň maglumatyna görä, Meta emeli intellekti ösdürmek ugrunda uly maýa goýumlaryny dowam etdirýär. 2025-nji ýylyň tomsunda kompaniýa Scale AI atly startapa 14,3 milliard dollar maýa goýdy. Onuň esaslandyryjysy we baş direktory Aleksandr Wan häzirki wagtda Meta*-nyň emeli intellekt boýunça direktory wezipesini eýeleýär.
Şeýle hem okanyň
Iň köp görülen
Türkmenistanyň Prezidenti milli pul birliginiň — manadyň 32 ýyllygy bilen gutlady
Türkmenistanyň Prezidenti Serdar Berdimuhamedow raýatlary we bank ulgamynyň işgärlerini milli pul birliginiň — manadyň dolanyşyga girizilmeginiň 32 ýyllygy bilen tüýs ýürekden gutlady.
Döwlet Baştutany öz ýüzlenmesinde manadyň girizilmeginiň ýurduň ykdysady durnuklylygyny berkitmekde, maliýe garaşsyzlygyny üpjün etmekde we pul-karz ulgamyny ösdürmekde möhüm ädim bolandygyny belledi.
Prezidentiň nygtaýşy ýaly, bank ulgamy serişdeleriň dolanyşygyny üpjün etmekde, maýa goýumlaryny artdyrmakda hem-de häzirki zaman sanly tehnologiýalary ornaşdyrmak arkaly maliýe hyzmatlarynyň hilini ýokarlandyrmakda möhüm orny eýeleýär.
Gutlag hatynda şeýle hem bank ulgamynyň kanunçylyk binýadyny halkara ülňülerine laýyklaşdyrmak, elektron töleg ulgamyny giňeltmek we halkara maliýe guramalary, şol sanda Halkara Valýuta Gaznasy, Bütindünýä Banky hem-de “Fitch Ratings” agentligi bilen hyzmatdaşlygy ösdürmek boýunça işleriň dowam etdirilýändigi bellenilýär.
Serdar Berdimuhamedow belleýär, häzirki wagtda Türkmenistan ilat başyna düşýän içerki önümiň derejesi boýunça ýokary girdejili ýurtlaryň hataryna girýär, şeýle hem halkara guramalaryň ählisi ýurduň durnukly ykdysady ösüşine oňyn baha berýär.
Döwlet Baştutany gutlagynyň ahyrynda ähli watandaşlaryna berk jan saglyk, abadançylyk we Garaşsyz, Bitarap Türkmenistanyň ösüşine goşant goşmakda üstünlik arzuw etdi.
Şeýle hem okanyň
Blitz