Oýun sanawy
Aşgabatda Hazar deňzi bilen bagly ýokary derejeli bäştaraplaýyn duşuşyk geçirilýär
15-nji sentýabrda Türkmenistanyň Daşary işler ministrliginde Hazar deňzi boýunça ýokary derejeli iş toparynyň 11-nji mejlisi öz işine başlady. Duşuşyga Türkmenistan, Azerbaýjan, Eýran, Gazagystan we Russiýa döwletleriniň wekiliýetleri gatnaşýarlar.
Duşuşyk türkmen tarapynyň ýolbaşçylygynda geçýär. Esasy mesele hökmünde Hazar deňzinde göni başlangyç çyzyklaryny kesgitlemegiň usulyýetini ara alyp maslahatlaşmak göz öňünde tutulýar. Şeýle hem, sebitleýin hyzmatdaşlyk, daşary işler ministrleriniň nobatdaky duşuşygynyň taýýarlygy we Hazar deňziniň guramagy bilen bagly täze iş toparynyň döretmek teklibi maslahatlaşyldy.
Mejlisiň gün tertibine 2026-njy ýylyň awgustynda geçiriljek Hazarýaka döwletleriniň 7-nji Sammitine taýýarlyk hem-de Hazar deňziniň kenarýaka sebitleriniň ýolbaşçylarynyň ilkinji halkara duşuşygyny guramak baradaky teklipler hem girizildi.
Mejlis dowam edýär.
Şeýle hem okanyň
Iň köp görülen
Türkmenistan Prezidenti Serdar Berdimuhamedow, ABŞ-nyň Prezidenti Donald Tramp bilen “Merkezi Aziýa – Amerikanyň Birleşen Ştatlary” sammitiniň çäginde Waşingtonda ikitaraplaýyn duşuşyk geçirer. Bu barada TDH habar berýär.
“Türkmenistan Ministrler Kabinetiniň wise-premýeri, daşary işler ministri Raşit Meredow, Prezident Serdar Berdimuhamedowun ABŞ-a iş saparynyň taýýarlygy barada hasabat berdi. Bu sapar, Prezident Donald Trampyň çagyrmagyna laýyklykda ýokary derejeli gepleşikler geçirmek we “Merkezi Aziýa + ABŞ” sammitine gatnaşmak maksady bilen amala aşar” – diýip, habar berildi.
Serdar Berdimuhamedow, Türkmenistan bilen ABŞ-nyň arasyndaky gatnaşyklary has-da ösdürmek üçin gowy mümkinçilikleriň bardygyny belläp geçdi. “ABŞ-da geçiriljek sammit, iki ýurt arasyndaky özara peýdaly hyzmatdaşlygyň berkemegine ýardam eder” – diýip, döwlet baştutany nygtady.
Öň habar berlişi ýaly, “Merkezi Aziýa + ABŞ” sammiti 6-njy noýabrda geçiriljekdir.
Şeýle hem okanyň
Blitz