Oýun sanawy
Oktýabr aýynyň 15-nde Hytaýyň Şinjiang sebitindäki Kaşgar şäherinden Hytaýy, Gyrgyzystany, Özbegistany we Türkmenistany birleşdirýän täze halkara ýük geçelgesiniň ilkinji ugry başlandy. Ýedi ýük ulagynyň Gyrgyzystan bilen serhede tarap ugramagy bilen täze ulag logistikasy işe girizildi.
Ýükler ilki bilen Gyrgyzystana awtoulag arkaly eltilip, soňra demir ýol arkaly Özbegistana we Türkmenistana geçirilýär. Türkmenistandan bolsa ýükleriň bir bölegi Hazar deňzi arkaly Azerbaýjana geçiriler. Özbegistana 21-nji oktýabrda, Türkmenistana bolsa 24-nji oktýabrda ýükleriň gelmegine garaşylýar.
Bu ugur Hytaý bilen Ýewropany Merkezi Aziýa arkaly baglaýan Günorta Transhazar geçelgesiniň synag tapgyrynyň çäginde durmuşa geçirilýär. Ugur Hytaýyň Sian we Çendu şäherlerinden başlanýar.
Täze geçelge Gyrgyzystan, Özbegistan we Türkmenistanyň arasynda Hytaý logistikasy arkaly göni ýük daşaýyş mümkinçiliklerini döreder. Bu ugruň soňky nokady Aşgabat şäheri bolar. Ilkinji ýükler elektron harytlary we enjamlar bilen doldurylan.
Taslama sebitiň ulag mümkinçiliklerini giňeltmäge, Hytaý bilen Merkezi Aziýanyň arasyndaky hyzmatdaşlygy pugtalandyrmaga we Orta geçelgä täze mümkinçilikler açmaga gönükdirilendir.
Şeýle hem okanyň
Günorta afrikaly ýazyjy emeli aňyň kömegi bilen 370-den gowrak kitap neşir edip, 1 million dollar gazandy
24 Okt. 13:11Koral Hart lakamy bilen tanalýan günorta afrikaly ýazyjy soňky 20 aýyň dowamynda emeli aň ulgamlarynyň kömegi bilen 371 sany kitaby ýazyp, neşir etmegi başardy. Yerli «EWN» radiosynyň habar bermegine görä, öň 14 ýyllap neşirýat ulgamynda zähmet çeken awtor 2025-nji ýylyň fewralynda emeli aň teknolojialaryny özleşdirip, gysga wagtyň içinde doly derejeli romanlary döretmäge mümkinçilik berýän hususy ulgamyny işläp düzdi. Ýazyjy her bir eseriň sýužetini, stiline hem-da каarakterlerini özi kesgitläp, emeli aňa meýilnama berýär, alnan garalama bolsa jemleýji tapgyrda awtor tarapyndan redaktirlenýär.
Täze romany döretmek üçin emeli aňa bary-ýogy 45 minut töweregi wagt gerek bolup, taýýar tekst iki gezek neýroulgamdan geçirildikden soň adam tarapyndan okalyp, neşire taýýarlanýar. Awtor öz kitaplarynyň 1 milliondan gowrak nusgasyny satmagy başardy we 2026-njy ýylda 1 million dollardan gowrak peýda gazandy. Ýazyjynyň emeli aň bilen bilelikde döreden söýgi romanlarynyň biri hatda «Amazon» platformasynyň iň geçginli 100 bestselleriniň hataryna girmegi başardy.
Häzirki wagtda Koral Hart öz eserlerini sanly, çap edilen we audio formatlarda okyjylara hödürleýär hem-da özüni täjirçilik edebiýatynda täze eýýamyň düýbüni tutujy hökmünde görkezýär. Şeýle hem ol emeli aňdan peýdalanmak ýoly bilen kitap ýazmak dyesinde beýleki awtorlar üçin «Authorythm» diýlip atlandyrylýan ýörite programma üpjünçiligini taýýarlaýar. Bu täsin tejribe edebiýat äleminde emeli aňyň amaly mümkinçilikleriniň täze sahypasyny açdy.
Şeýle hem okanyň
Blitz