Oýun sanawy
Ýakyn günlerde Türkmenistanda howanyň sowap, temperatura –7 gradusa çenli peselmegi hem-de ýagyş bilen garyň garyşyk görnüşde ýagmagy çaklanylýar. Bu ýagdaýlar hepde boýy ähli sebitlerde dowam eder.
Aşgabat
Paýtagtda üýtgäp durýan bulutly howa höküm sürer. Hepdäniň ortalarynda garyşyk ýagyş garaşylýar. Şemal gündogardan demirgazyk-günbatara öwrülip, 16 m/s çenli güýçlener. Gijelerine –3…+3 gradus, gündizlerine +2…+9 gradus bolar.
Balkan welaýaty
Hepdäniň başynda we ahyrynda garyşyk ýagyşly howa bolar. Şemalyň tizligi 17 m/s çenli ýetip biler. Gijeleri –3…+5 gradus, gündizlerine +7…+12 gradus, kenarýaka ýerlerde salkynrak bolar.
Ahal welaýaty
Bulutly howa we gar gatyşykly ýagyş garaşylýar. Şemal käwagt güýçlener. Gijelerine temperatura –5 gradusa çenli peseler, gündizlerine +11 gradusa çenli ýokarlanar.
Mary welaýaty
Hepde dowamynda bulutly howa we garyşyk ýagyşlar dowam eder. Demirgazyk-gündogardan öwüsýän şemal 15 m/s çenli güýçlener. Gijeleri –5…+6 gradus, gündizlerine +11 gradus bolar.
Lebap welaýaty
Güýçli şemal bilen birlikde garyşyk ýagyşlar garaşylýar. Gijelerine –6 gradus, gündizlerine +13 gradusa çenli maýyl bolar.
Daşoguz welaýaty
Hepdäniň ortasynda we ahyrynda az-kem garyşyk ýagyş bolup biler. Gijelerine –7 gradusa çenli sowuk, gündizlerine –3…+6 gradus aralygynda bolar.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Şeýle hem okanyň
Blitz